-
如何免疫
Author: | Time 2008-11-26 14:49:18 | Tag: | Sort:
翻左新工个几礼拜，系时候写下总结。
翻工头几日就已经觉得同国企好唔同，我平时做野通常都好独立，全部由我自己控制，但宜家就要事事报告上司，最重要既系，上司唔单只要知道件事，佢会好重视个进度。比如话，我话保安部已经帮我办紧工卡，一般人就会讲声“好”就无野喇，但呢度既人会问“几时会办好”，跟住我就口哑哑。按照我一贯既思维，人地接到有野要做，就会开始去做，做完就自然会交比我，一般唔系重要既野，我都唔会去催。但原来唔系甘样，我呢种思维方式显然太滞后太无效率喇，要改！
第二样野系慢慢发觉左原来翻工放工都唔使DO卡，所以d人可以成10点先翻工，而工程师同sales就基本10点几先到，有d下午先出现，都唔知道系唔系真系有做野。中午本来只有一个钟，但通常d人都2点先翻，跟住够钟又唔放工好勤力甘做野。公司既内部流程多到烦，而人既工作效率貌似比较低，但明明又已经好似好忙甘，真系唔知道系唔系扮忙。我估佢地系翻工时间唔多做野，跟住就扮加班黎呃加班费。谂落都几核突……
翻工头几日我都叫我经理做“经理”，第四日佢终于忍唔住，同我讲“唔好叫我做‘经理’，叫我中文名或者英文名”，尴尬到我咩甘，唉……
公司每个人配一部notebook，但系就唔送电脑袋唔配鼠标，帮你装NOTES系统，但就唔肯帮你装OFFICE……
每个人都中意中英夹杂黎讲野，唔系一般既中英夹杂，而系好多明明可以用中文讲得好顺畅既野，都要千方百计用英文黎讲，仲要讲得唔准……
座位无话一个部门一个部门甘坐，而系捞乱晒，我至今仲未同坐我后面个女仔讲过野，因为唔系一个team，貌似佢亦都无同其他人讲野……而我后面再后面既女人，就一日到黑系到讲电话，把声又姣又作状，将每一个中文都设法用英文去表达，十足十d黑人憎既香港人……仲要成日用免提！真系令我咬牙切齿！好想一手抢过话筒，然后星佢两巴，然后讲“你讲够未啊八婆？”
最无奈既系，就算点核突点荒谬都要改变自己去适应呢度，因为人地系唔会改变既，你只可以改变你。
-
piece of cake
Author: | Time 2008-11-16 21:11:08 | Tag: | Sort:
年纪越大，才知道感情事原来可以这么复杂，我都不能为朋友找到一个好的解决方法。我不敢用自己的想法去左右他人的思想，怕承担不起由此引起的结果，可是我不能沉默不语，我知道有一双耳朵在倾听。
幸好的是，朋友也长了这么大，完全有自己的想法和决定，不会如此容易被左右。
想一切都简简单单平平淡淡原来真的很难，在此之前，早早地把所有困难实习一次，过程虽然痛苦，但起码能祈求一个好的结果。
不知道为什么把轻而易举的事用piece of cake来形容，做蛋糕是超难的啊。而这个一磅的蛋糕，我吃了一半。
-
我的IBM之路
Author: | Time 2008-11-12 23:42:27 | Tag: | Sort:
下个星期一正式翻新工喇，估唔到竟然有一个礼拜既假期，好似赚咗甘，可惜周末无得去海南岛玩，否则2008都算有一个happy ending，宜家就好似少咗一部片尾曲甘……
回望呢一段路，我行咗5个几月。
其实系今年年初我就已经部署要转工，见过P&G，第一面就衰咗，可能系我无经验挂。仲见咗一份瑞士公司既工，做地区经理助理，经理系个好靓仔既瑞士人，好似Jude Law，不过份工要成日出差，我都无去。
3月31日，我正式同经理辞职，第二日开始就无翻工了。4月份，都仲未有时间享受一个赋闲在家既逸致，马上就投入到一周既翻译工作中。之后竟然肺炎喇，系屋企休息咗2个礼拜。系肺炎好翻之后，我马上就去咗一次面试，系做口译时神舟电脑既香港代理介绍既，系一个美籍韩国人同一个香港女人面试我既，开出既条件都ok，但系无接受呢个offer，因为我想要有更好既。跟住无过几日就收到IBM既一面通知，首先面试我既系一个外省人，同我倾咗下，跟住就马上叫咗我去见另一个经理，我当时assume呢个系second in。我觉得我表现都算ok啊，可惜接下来几个礼拜都无收到电话……
后来我继续顶硬上喇，又去见汇丰，衰咗系二面一个好无品既捞佬手上，从hr同manager，我都觉得汇丰人既水平好唔掂。又见过花旗，可惜个职位根本唔岩我。跟住好似就到东亚银行了，好唔容易罗到offer，最后都系决定唔去了。一方面系觉得自己做唔黎，唔多岩自己既性格，另一方面系男朋友就快翻中国喇，实在好想同佢玩一段时间再翻工，所以真系浪费埋我同学既推荐，汗！
之后我都有少少怯喇，虽然翻译继续有得做，唔缺钱用，但真系好想有工开啊，当时仲未知道有金融海啸甘大镬，如果知道打死乜工都做住先啦。后来又去咗BMO同广东省外经贸厅下面既一个委员会面试，全部都去到second in，当时仲谂住，叫双飞肯定食得出啦，点知2个都诈糊啊，情绪不知几低落。
就系呢个低落既moment，以前既经理竟然打电话比我，求我翻去帮佢，事因我原来果几个同事全部离开咗公司，带走埋佢d客添。无奈之下，就翻翻去做，好彩人工加咗，照样系翻6个半钟，翻工好轻松，我仲趁机会翻译咗本书添。
就系上班第2、3日，我收到IBM既二面通知，我当时好意外，我以为上次就已经去到二面了，而且果次面试已经系2个几月前，竟然隔咗甘耐。果日下午，我就作个藉口，dum dum声赶翻屋企换衫。阿妈见到我又去面试，就开始闹我，话我都已经翻工喇，就唔应该再去面试，话甘样做唔岩。我一边辩驳，一边就赶去东站喇。
上次去PG面试，我就已经好中意果栋楼，当时就谂如果可以系度做野就perfect喇，因为系东站，坐地铁唔使转线，天河北我都无甘中意，环市东同东风路唔好搞我添。当时我知道，呢次面试可能系我近期最后一次面试喇，重新翻去之前间公司做之前，我就plan好晒，要做自己发掘既新产品，所以短期内都唔会再转工。果次面试，我出尽晒所有既力，认为自己每个问题都答得好好，面试结束就好似打咗场仗甘。
接下来几个礼拜，当然又系无晒声气。
我就系喊过又情绪低落过之后，立定决心做好自己份工，既然个天要我做呢行，甘就做啦。
每一日翻工我就系等交易会，因为要到交易会我先有可能认识到新既客，先有可能sell我挖掘既产品，做自己既生意。10月底，正当我好认真甘筹备展品既某一日，我收到一个由北京打黎既电话。佢话自己系蓝色快车公司既，话发咗e-mail比我，叫我尽快去体检，然后办理入职手续。我当时好愕然，就好坦白甘讲，唔好意思，我好似无应聘过你公司喔。果边亦都好愕然，话无咩，IBM公司喔。我先恍然大悟。
最后我终于搞清楚系咩回事，就系过咗5个几月，ibm终于肯请我，唔系ibm本身请，而系通过佢既控股公司请。点解过咗5个月先请，不得而知，估计系请咗第个人，果个人又走咗，无奈之下先请我挂……最后，我要同呢个蓝色快车公司签卖身约，然后再被出租到ibm公司使用，呢个奴隶就系我喇。
希望顺利过到试用期，结束我长久以来既霉运，再都唔罗草莓奖！
-
立足之地，安身之所
Author: | Time 2008-11-09 23:55:48 | Tag: | Sort:
希望帮朋友解决问题的人，在夜渐深的时候突然想起了自己即将要面对的问题，才发觉是一样的手足无措，世上并没有容易之事，白天安慰自己的想法，原来只是自己健忘。
然而，一向的大无畏精神是不允许退缩的，凡事都有解决的方法，或者是，很准确地说，凡事都有妥协的方法，妥协，当然是自己吃亏的。
当吃了亲人的亏或是爱人的亏，是应该感到更加无奈愤怒，还是心甘情愿呢？
电影里面的对白经常是we will find a way，但实际上往往没有we，这次我只想说i'll find a way，加一个maybe……
今晚就先看到空了半杯的水吧，等明天，明天再来看满半杯的水。水是不会变的，这是一个事实，无需要去把事实定性，其实真是很轻松。
-
Road to...
Author: | Time 2008-11-06 22:30:26 | Tag: | Sort:
-
哇咔咔
Author: | Time 2008-10-27 22:42:27 | Tag: | Sort:
“助理客户工程师”
今晚要睡不着了
-
Sweet little doll~~I adore you!
Author: | Time 2008-10-19 20:35:30 | Tag: | Sort:
鬼妹仔仲有一个礼拜就翻奥地利了，好唔舍得佢走。
每当佢伸出双手要我抱佢既时候，我都比佢征服了。寻日，佢喊喊地甘揽住我，我有一种要融化既感觉，只系想保护佢。肥嘟嘟既佢，比我叫做莲藕仔，因为佢手臂同脚仔都肥到一节一节，个肚就似个小西瓜，皮肤白白滑滑，胃口好体质好，又乖唔扭计，可惜我唔系佢妈妈……
加拿大的2位同学仔明年就会做爸爸妈妈了，其实如果有条件的话，还是早一点生比较好，以后可以做个靓妈咪。不过，一想到自己还有梦想未实现，只可以讲句I'm not ready.
突然发觉，我确实有好多野想要想做，包括已经有条件去做，但都系觉得未准备好。或者系我样样事都太强调计划计划了，不相信意外也会有精彩。
kiss kiss your little lips~ >o<
-
You really SUCK
Author: | Time 2008-10-06 14:24:53 | Tag: | Sort:
原来不是我一时的气话，我到现在还是想这么对你说，You really SUCK, sucker!
黑面我试过，在男朋友的朋友面前黑面我试过，被朋友的女朋友黑面我也试过，但是这次无端端被人误会成黑面神继而被人黑面，确实是第一次，而且是过了这么多天，才被告知真相。
我有多讨厌你，我现在才知，我想再用字典狠狠地打你，错了，那也不解恨。
因为你自私，不想做丑人，而要我受了这样的冤屈气。到现在再三生气，却渐渐变得是我的错了。无奈又愤怒之下，哼起了这么一句：
黑面神系我系我，横睇掂睇都系我，无错无错……
-
a cliche or a real necessity??
Author: | Time 2008-09-26 22:11:03 | Tag: | Sort:
刚刚看完了Sex and the City电影版，这部戏好似上2个月就已经上画了，不过我等到今天才看到下载的版本。怀着天真小女孩的心，想说句真的很感动。
2008年很多同学都结婚了，最先传来喜讯的是我的大学室友，当时我们5个人里面（除了我很讨厌的那个搞les的男人婆）她是最天真纯情的一个，只拍过一次拖，那次还很惨，被当时的男朋友打。我还记得我们几个一起在宿舍楼前保护她，很勇敢地和那个男生硬碰过一场。那次闹得很大，系里面很多同学和老师都知道了，最后系主任下了命令，不准那个男生接近她。她的妈妈也非常担心，特地留了家里的电话给我，说有事就给她打。后来她到深圳工作了，在那个一个亲人都没有的城市里面，终于找到了最爱。不是轰轰烈烈的爱情，而是平平淡淡的生活。
然后是谁呢？对了，是高中的男同学，想不到他是我们班第一个结婚的人啊，看他的结婚照，四万甘口，有几开心可想而知。
噢，漏了我的2位初中同学，传奇式的一对，最近也在facebook发表了他们的婚纱照。然后就是我的死党之一，即将在明年1月拉埋。还有我男朋友的死党，这个月也求婚成功了，可惜对我男朋友说唏嘘，呵呵。
结婚是很大的事，每个人在未婚时都认为一生人只会做一次的事，但是我见过这么多的婚礼最后却是落入俗套，穿上租来的婚纱礼服，拍一辑机械式的婚纱相，摆一百几十围酒席，热热闹闹地洞房，甜甜蜜蜜地去honey moon。婚礼显然已经是一个工业，婚礼变成了一个模式。这可能是和中国人的观念有关，曾经听说，婚礼是为你妈妈的面子争光，而丧礼是为你自己的面子争光。
Carrie Bradshaw说了一个我心目中一直说不出的词: cliche
已经结婚的姊妹们，我衷心恭喜你们，还未结婚的姊妹们，我更加恭喜你们，因为你们还有机会花些心思，搞一个特别的婚礼，或简单，或隆重，但绝不俗套。
-
summer summer!
Author: | Time 2008-09-21 19:23:05 | Tag: | Sort:
微温的清水洗擦着流汗及粘着跌打药膏的背脊
若非敷了这拥有历史文化传统气息的跌打药膏
也许我不会在这样一个拥有炎夏气质的秋天午后洗个澡
并顺便欣赏到被阳光穿透的这一扇门
不知道，这穿过玻璃的阳光
是否在我的身上也开出一朵美丽的花？
个人资料
日历
最新文章
最新评论
搜索
Others
- Total：